Preguntas Correntes

Si. Existen diversas bonificacións e reducións segundo a situación da persoa usuaria:

• Segundo a Ordenanza. das prestacións patrimoniais (BOP nº 33, 15/02/2024):
  
  
  • Artigo 6.1: Redución do 50% nas cotas de abastecemento e/ou saneamento para persoas beneficiarias da RISGA ou de réximes públicos de protección equivalentes.
  
  
  • Artigo 6.2: Posibilidade de redución en caso de fugas de auga non imputables á persoa usuaria.
  
  
• Segundo a Lei 9/2010, do 4 de novembro, de Augas de Galicia:
  
  
  
  • Bonificacións no canon da auga para familias numerosas.
  
  
  • Outras deducións ou exencións en función da situación particular.

Para máis información, podes consultar a normativa na sección correspondente desta web ou visitar a web de Augas de Galicia

A lectura do contador da auga faise cada tres meses, segundo establece o artigo 8 da ordenanza. reguladora das prestacións patrimoniais do servizo de auga do Concello de Ames (BOP nº 33, 15/02/2024).

As persoas encargadas da lectura acoden identificadas como traballadoras da Entidade Pública Empresarial Augas de Ames (EPEL).

Se no momento da lectura non hai acceso ao contador, deixamos unha tarxeta para que poidas facilitarnos a lectura ti mesma ou ti mesmo, a través do método que che resulte máis cómodo:

• A través da oficina virtual.
• Por teléfono.
• Depositando ou enviando a tarxeta coa lectura.

Os datos de contacto están dispoñibles nesta web.

Podes acceder á túa información de consumo a través da oficina virtual, onde tes dispoñible o histórico de consumos e facturación en calquera momento.

Se precisas un informe máis detallado, podes solicitalo:

• Por teléfono.
• Por correo electrónico (info@augasdeames.gal).
• A través da sección de consultas desta web.

A Orde ITU/1072/2025. amplía o prazo máximo para a substitución dos contadores establecidos pola ICT/155/2020. ata o 24 de outubro de 2027

A Orde ICT/155/2020., do 7 de febreiro, do Ministerio de Industria, regula na súa disposición transitoria primeira e no seu Anexo III apartado 4, que “a vida útil dos contadores de auga limpa será de 12 anos, establecendo dita normativa que os propietarios dos contadores teñen como prazo máximo para realizar a substitución o 24 de outubro de 2025”.

Para realizar o cambio de contador deberá presentar unha solicitude ante Augas de Ames, a través do seguinte formulario de solicitude de cambio do contador, e aboar as tarifas recollidas na ordenanza. vixente.

Podería ampliarse a vida útil do contador, por períodos sucesivos de 5 anos, sempre e cando se realice unha verificación do mesmo por organismo autorizado, ao tratarse de instrumentos de medida sometidos a control metrolóxico. Neste último caso, cando a persoa propietaria do contador sexa a persoa abonada, tería que presentar o modelo PR004A ante a Delegación Provincial da Consellería de Economía e Industria e aboar unhas taxas de 79,12 € (para contadores de menos de 40 mm de diámetro), así como os gastos de instalación por parte de Augas de Ames dun contador provisional, ou delegar esta actuación, a través do seguinte formulario de delegación de verificación do contador, en Augas de Ames, correndo a persoa abonada cos citados gastos. De resultar positiva esa verificación non estaría obrigada a cambiar o contador en 5 anos.

Serán de aplicación á persoa propietaria do contador as obrigas que ao respecto se establezan pola administración pública competente.

Para calquera dúbida ou consulta, pode poñerse en contacto connosco a través dos canais habituais de atención á veciñanza:

• Páxina web: enviar consulta
• Atención telefónica e/ou presencial nas oficinas de Augas de Ames EPEL
• Correo electrónico: info@augasdeames.gal

As facturas do servizo de auga, saneamento e depuración emítense cada tres meses, coincidindo cos trimestres naturais do ano:

• Xaneiro – Marzo
• Abril – Xuño
• Xullo – Setembro
• Outubro – Decembro

Así se recolle no artigo 8 da Ordenanza. reguladora das prestacións patrimoniais do servizo de auga do Concello de Ames (BOP nº 33, 15/02/2024).

As facturas envíanse polas vías escollidas por cada persoa usuaria:

• Correo postal
• Correo electrónico
• Oficina virtual

Se tes o pago domiciliado, o cargo farase na túa conta bancaria segundo o calendario de cobro establecido (consultable nesta web).

Se non o tes domiciliado, podes efectuar o pagamento:

• En caixeiros da entidade colaboradora.
• A través da oficina virtual por internet.

A propia factura serve como documento de pagamento.

Desde a oficina virtual podes:

• Consultar consumos e facturas.
• Comprobar o estado de cobro.
• Realizar pagos.
• Acceder a outras xestións.

O prazo para pagar as facturas é de 2 meses desde a data de emisión, segundo establece o artigo 9 da Ordenanza.reguladora das prestacións patrimoniais do servizo de auga do Concello de Ames (BOP nº 33, 15/02/2024).

Podes consultar o calendario. cos períodos de cobro voluntario e as datas dos cargos bancarios nesta mesma web.

A oficina virtual permite realizar distintos trámites de forma rápida e sinxela. Entre eles:

• Enviar a lectura do contador.
• Presentar consultas ou suxestións sobre o servizo.
• Realizar reclamacións.
• Comunicar fraudes ou anomalías.
• Solicitar o cambio da conta bancaria para domiciliación.
• Consultar e descargar facturas en PDF.
• Realizar pagos con tarxeta (TPV).

As persoas usuarias rexistradas tamén poden acceder a toda a información histórica de lecturas, consumos, facturas e o estado dos pagos.

Como titular dun contrato de subministro dun inmoble, podes acceder aos datos en liña do mesmo rexistrándote na oficina virtual, para o que vas precisar o teu NIF/NIE e o último recibo.

Si non dispós do último recibo, podes enviarnos un correo a info@augasdeames.gal solicitando copia do mesmo, ou se o prefires, facemos o rexistro na oficina virtual por ti, debendo acreditar a identidade da persoa solicitante.

Terás que achegarnos a seguinte documentación:

• Contrato do subministro ou Documento acreditativo da propiedade

Acreditación da identidade da persoa solicitante

• Trámite con certificado dixital: non será necesario achegar copia do DNI.
• Trámite presencial nas oficinas: solicitarase o DNI ou NIE (acompañado do pasaporte de ser a tarxeta verde) unicamente para verificar a identidade da persoa, sen conservar copia.
• Trámite en liña sen certificado dixital: será necesario enviar unha copia do DNI ou NIE (acompañado do pasaporte de ser a tarxeta verde) coa solicitude. Neste caso:
  • Pode consultar as seguintes indicacións sobre o envío seguro do DNI..
  • Augas de Ames EPEL unicamente empregará o documento para comprobar a identidade e eliminarase de inmediato unha vez realizada a verificación, sen conservar copia.

Se detectas unha avaría ou unha fuga de auga, actúa do seguinte xeito segundo onde se produza:

No interior da vivenda ou local:

• Pecha a chave de paso situada antes do contador.
• Contacta cunha persoa profesional da fontanaría da túa confianza.

No exterior (vía pública ou contador fóra do inmoble):

• Comunícalo canto antes por teléfono ás oficinas de Augas de Ames: Bertamiráns ou O Milladoiro.
• Se están pechadas, podes chamar ao teléfono de garda do servizo.

Lembra: se se trata dunha fuga non intencionada, poderías ter dereito a unha redución na factura. Consulta a Ordenanza. na sección de normativa da web para máis información.

Si. A auga da traída no Concello de Ames é potable e apta para o consumo humano.

Desde Augas de Ames realizamos controis sanitarios e analíticas diarias para garantir a súa calidade. A veciñanza pode beber a auga da rede sen ningún tipo de dúbida.

Si, podes usala con tranquilidade.

A dureza da auga indica a cantidade de minerais disoltos, como o calcio e o magnesio. En zonas con auga dura, estes minerais poden acumularse nos electrodomésticos, reducindo a súa eficiencia.

No Concello de Ames, a auga da traída é auga branda, polo que non supón risco de acumulación de cal nin afecta ao funcionamento de lavadoras, lavavaixelas ou outros aparellos.